Basahama: MAAFISA ELIMU SEKONDARI NA MSINGI HALMASHAURI YA WILAYA YA RUNGWE: Wasaini na kupokea ahadi ya kutekeleza mpango wa wa matokeo makubwa sasa katika sekta ya elimu kwa mwaka 2013 mpaka 2015

Mpango wa utekelezaji wa matokeo makubwa sasa, ( big result now) umeingia wilayani Rungwe kwa maafisa elimu sekondari na msingi kutia saini hati ya kusimamia mpango huo na kukabidhiwa mbele ya kikao cha kamati ya Fedha, Utawala na Mipango leo.

Baada ya kukabidhi hati hizo, Mwenyekiti wa Halmashauri ya Wilaya ya Rungwe Mhe. alfred Mwakasangula alisema, halmashauri ya wilaya ya Rungwe inategemea mabadiliko makubwa kutoka kwa wakuu hao wa Idara na kutekeleza yote yaliyomo katika mkataba huo.

Pia aliwakumbusha Waheshimiwa Madiwani wa Halmashauri hiyo kuwa mafanikio ya mpango huo unategemea sana ushirikiano kati ya Madiwani wa Halmashauri hiyo na Watendaji wa Halmashauri hiyo, mwenyekiti alisema, tukiwa na umoja na mshikamano katika Halmashauri hii ndipo tunapoweza kuifikia Big result now.

Mikakati iliyomo katika mpango wa kufuatilia na kutathmini utekelezaji wa mikakati ya mpango wa matokeo makubwa sasa, katika sekta ya Elimu ni ifuatayo.

1. Kupanga shule kitaifa kwa kuzingatia ufaulu wa wanafunzi.

2. Kutoa tuzo kwa shule.

3. Kiongozi cha usimamaizi wa shule.

4. Mtihani wa kitaifa wa kupima stadi za Kusoma, Kuandika na Kuhesabu (KKK).

5. Mafunzo ya KKK kwa waalimu.

6. Mipango ya kujenga uwezo wa waalimu na wanafunzi katika ufundishaji na kujifunza.

7. Ujenzi wa miundo mbinu.

8. Ruzuku ya vifaa vya kufundishia na kujifunzia.

9. Motisha kwa waalimu.

Wakiongea baada ya kukabidhiwa hati hizo maafisa elimu nao waliomba ushirikiana kutoka kwa watendaji na madiwani wa Halmashauri hiyo.

Mwenyekiti wa Halmashauri ya Wilaya ya Rungwe Mhe. Alfred Mwakasangula akimkabidhi hati Afisa Elimu Sekondari wa Halmashauri hiyo Mama Anna Chigulu.

Afisa Elimu Sekondari Mama Anna Chigulu, akisoma yaliyomo katika hati hiyo mbele ya wajumbe wa Kamati ya Fedha, Utawala na Mipango wa Halmashauri ya wilaya ya Rungwe.