BAADHI ya kauli zilizotolewa na Mwenyekiti wa Chama Cha Demokrasia na Maendeleo (Chadema), Freeman Mbowe kwenye mkutano wa hadhara uliofanyika Jangwani, Dar es Salaam hivi karibuni zimemshangaza Waziri wa Maendeleo ya Jamii, Jinsia na Watoto, Sophia Simba.
Mbowe alifanya mkutano wa hadhara kwa pamoja na Mwenyekiti wa Chama cha Wananchi (CUF) Ibrahim Lipumba na Mwenyekiti wa NCCR-Mageuzi, James Mbatia, mkutano uliolenga kupinga Rais Jakaya Kikwete kuusaini mswaada wa Marekebisho ya Sheria ya Mabadiliko ya Katiba. Kwa mujibu wa taarifa iliyotolewa jana, Simba alipatwa na butwaa baada ya kusikia kauli ya Mbowe akihamasisha jamii kujiandaa na siku maalum ya kutokuwa watii.
Waziri Simba alinukuu kauli ya mbowe iliyohamasisha hatua hiyo, ambapo alisema: “Siku ya tarehe 10/10/2013 ni siku maalumu ya kitaifa ya “Civil Disobedience”. Akiizungumzia kauli hiyo, waziri alisema maneno hayo ni ya hatari, yenye kuonyesha kuwapo njama mbaya za kuwashawishi wananchi kujichukulia sheria mkononi, hali inayotoa mwanya wa kuvunja sheria. Waziri alisema ipo haja ya kujiuliza nini maana ya kuamua kutenga siku maalumu ya Kitaifa ya Civil Disobedience” ambayo kwa lugha ya Kiswahili ikiwa na maana ya siku maalumu ya Kitaifa ya Jamii Kutotii, kuanzia ngazi ya familia hadi taifa.
Alisema siku hiyo ikitokea ni wazi itakuwa ni siku ya maangamizi, kwa vile jamii kutotii mamlaka halali ni utovu wa nidhamu ambao husababisha uvunjaji wa sheria na kuhamasisha kujenga mazingira ya vurugu. “Kwa nafasi yangu kama Waziri wa Maendeleo ya Jamii, Jinsia na Watoto naliona suala hili kuwa ni la hatari, na athari zake zitakuwa kubwa kwa wanawake, watoto, walemavu na wazee endapo litaachwa litokeaa,”alisema.
Waziri pia alimkosoa Mwenyekiti wa CUF, Profesa Ibrahim Lipumba kwa kauli iliyoonyesha uchochezi kwa kusema kuwa vijana wasikubali na wajiandae kufanya mazoezi kwa vile wakati wa kufanya hivyo umefika,waziri huyo amehoji ni aina gani ya mazoezi yaliyohamasihwa na Profesa Lipumba . Hata hivyo alimpongeza Mbatia kwa kauli za uungwana zilizoonyesha dhamira ya wazi ya kuwaweka pamoja watanzania. Katika mkutano huo Mbatia alisema bado ipo fursa ya kukaa meza moja na kulizungumza suala hilo la muswada.
Mbowe alifanya mkutano wa hadhara kwa pamoja na Mwenyekiti wa Chama cha Wananchi (CUF) Ibrahim Lipumba na Mwenyekiti wa NCCR-Mageuzi, James Mbatia, mkutano uliolenga kupinga Rais Jakaya Kikwete kuusaini mswaada wa Marekebisho ya Sheria ya Mabadiliko ya Katiba. Kwa mujibu wa taarifa iliyotolewa jana, Simba alipatwa na butwaa baada ya kusikia kauli ya Mbowe akihamasisha jamii kujiandaa na siku maalum ya kutokuwa watii.
Waziri Simba alinukuu kauli ya mbowe iliyohamasisha hatua hiyo, ambapo alisema: “Siku ya tarehe 10/10/2013 ni siku maalumu ya kitaifa ya “Civil Disobedience”. Akiizungumzia kauli hiyo, waziri alisema maneno hayo ni ya hatari, yenye kuonyesha kuwapo njama mbaya za kuwashawishi wananchi kujichukulia sheria mkononi, hali inayotoa mwanya wa kuvunja sheria. Waziri alisema ipo haja ya kujiuliza nini maana ya kuamua kutenga siku maalumu ya Kitaifa ya Civil Disobedience” ambayo kwa lugha ya Kiswahili ikiwa na maana ya siku maalumu ya Kitaifa ya Jamii Kutotii, kuanzia ngazi ya familia hadi taifa.
Alisema siku hiyo ikitokea ni wazi itakuwa ni siku ya maangamizi, kwa vile jamii kutotii mamlaka halali ni utovu wa nidhamu ambao husababisha uvunjaji wa sheria na kuhamasisha kujenga mazingira ya vurugu. “Kwa nafasi yangu kama Waziri wa Maendeleo ya Jamii, Jinsia na Watoto naliona suala hili kuwa ni la hatari, na athari zake zitakuwa kubwa kwa wanawake, watoto, walemavu na wazee endapo litaachwa litokeaa,”alisema.
Waziri pia alimkosoa Mwenyekiti wa CUF, Profesa Ibrahim Lipumba kwa kauli iliyoonyesha uchochezi kwa kusema kuwa vijana wasikubali na wajiandae kufanya mazoezi kwa vile wakati wa kufanya hivyo umefika,waziri huyo amehoji ni aina gani ya mazoezi yaliyohamasihwa na Profesa Lipumba . Hata hivyo alimpongeza Mbatia kwa kauli za uungwana zilizoonyesha dhamira ya wazi ya kuwaweka pamoja watanzania. Katika mkutano huo Mbatia alisema bado ipo fursa ya kukaa meza moja na kulizungumza suala hilo la muswada.
Chanzo:- Mtanzania.
No comments:
Post a Comment