MTANZANIA MMOJA AJERUHIWA KWENYE SHAMBULIO WESTGATE.

UBALOZI wa Tanzania, nchini Kenya umesema raia wake moja alijeruhiwa juzi wakati wapiganaji wa Kikundi cha Al Shababu walipoteka jengo la Westgate mjini Nairobi. Taarifa iliyotumwa na Ubalozi wa Tanzania jana, ilimtaja raia huyo kuwa ni Vedastus Nsanzugwanko ambaye ni Meneja katika Taasisi ya Kimataifa ya Child Protection, inayofadhiliwa na Shirika la Kuhudumia Watoto Ulimwenguni, (UNICEF).

Taarifa hiyo,ilisema Nsanzugwanko amejeruhiwa kwa risasi na magruneit katika miguu yake yote miwili na amelazwa hospitali ya Aga Khan.

“Anaendelea kupatiwa matibabu, huku hali yake inaendelea vizuri, hata hivyo ubalozi unaendelea kufuatilia kwa lengo la kupata taarifa zaidi endapo kutakuwapo na Watanzania wengine katika tukio hilo,

“Majeruhi huyu bado yuko hospitali na hatujaweza kumpiga picha,” ilisema taarifa hiyo,”ilisema taarifa hiyo.

Katika hatua nyingine, Ubalozi wa Tanzania nchini Kenya kwa kushirikiana na Uongozi wa Chama cha Watanzania wanaoishi Kenya (TWA), umeandaa utaratibu maalumu utakaowezesha Watanzania waishio Kenya kujitokeza kwa ajili ya kutoa damu.

Wakati huo huo, Umoja wa Mabalozi wa Nchi za Afrika ulikutana na uongozi wa Wizara ya Mambo ya Nje kwa lengo la kuwasilisha salamu za rambirambi kutoka kwa wakuu wa nchi zao. Taarifa zinasema wajumbe hao walikutana na Rais Uhuru Kenyatta na kutoa 

Shuhuda: Niliona gaidi mmoja akitoroka
SHUHUDA mmoja katika tukio la kutekwa kwa jengo la Westgate mjini Nairobi nchini Kenya, alidai alimuona mmoja wa magaidi waliohusika katika tukio hilo akitoroka mbele ya polisi.

Shuhuda huyo, alidai gaidi alitoka ndani na kujiunga kwenye makundi ya wananchi waliokuwa wakiokolewa na vikosi vya usalama kutoka ndani ya jengo la Westgate.

Shuhuda huyo, Abdul Ratiff alidai moja wa watu wenye silaha aliweza kuondoka pamoja nao baada ya kubadili nguo zake katika ghorofa ya pili, baada ya kuwarushia watu maguruneti .

Alidai alijaribu kuwahadharisha polisi, kwamba mmoja wa wanamgambo haoni miongoni mwao, lakini hawakutaka kumsikiliza.

“Nilimuona akibadili nguo zake na badaye alikuja kuungana nasi, wakati polisi walipowasili. Nilijaribu kuwaambia polisi kuwa yu mmoja wa washambuliaji, chaa ajabu walinisukuma,” alisema.

Alisema gaidi huyo, alikuwa amejificha ndani ya duka la Kampuni ya Bata lililiopo ndnai ya jengo hilo ambako aliweza kumuona mtu huyo.

“Nilimuona ni mtu aioyejengeka vyema. Hakuwa Msomali, bali Mwarabu.Nilijificha na niliweza kumuona akibadili nguo. Alivalia shati la mikono mirefu na jeans ,” alisema. “saa 10 jioni ya Jumamosi wakati tukitoka, nilimuona tena. Alitufuata akiinua mikono juu kana kwamba yu mmoja wetu,” shuhuda alisema.“Niliwapigia kelele polisi, lakini wao walinisukuma na kunitaka niondoke,” alisema.

Matukio ya kigaidi yalivyoripotiwa
YAFUATAYO ni matukio ya kigaidi ambayo yameripotiwa na mashirika ya habari ya kimtaifa katika jingo la Westgate, jijini Nairobi. 

Saa 1:55 asubuhi
Inasadikiwa magaidi kati ya 10 na 15, bado wanawashikilia mateka huku askari wa vikosi vya ulinzi na usalama wakisema wamedhibiti maeneo makubwa ya eneo hilo na kufanikiwa kuokoa wananchi wengi ambao walikuwa wamejificha.

Saa 1:58 asubuhi
Shirika la Habari la Reuters, limeripoti kuwa Al-Shabaab imesema mateka wanaoshikiliwa na magaidi watauawa kama jeshi litatumia nguvu.

Saa 2:28 asubuhi
Video ya kutisha jinsi Al-Shabaab walivyoteka Westgate zinasambazwa kupitia kituo cha televisheni cha CCTV Africa, huku ikionyesha watu wakikimbia hovyo na magaidi wakiwamimina risasa. Katika video hiyo, kuna watu wanaonyeshwa wakitambaa kuokoa maisha yao wengine wakisikika wakisema, “watoto wango”. Pia ipo ya mwanamume akijifungia kwenye chumba na kupiga simu akisema, “kuna magaidi”.

Saa 2:54 asubuhi
Majaji wa Mahakama ya Makosa ya Jinai (ICC) jijini Hague wamehairisha kesi inayomkabili Naibu Rais wa Kenya, William Ruto, kwa wiki ili arudi nyumbani kushughulikia mkasa wa ugaidi uliotokea.

Saa 3:23 asubuhi
Inaripotiwa Wakenya wamechangia zaidi ya dola za Marekani 300,000 ili kisaidia walionusurika kwenye tukio hilo. Aidha Wakenya wengi pia wamejitokeza kuchangia damu kwa waliojeruhiwa.

Saa 4:13 asubuhi
Wanajeshi wanne wamejeruhiwa wakati wamakabiliano ya risasi dhidi ya magaidi, kwa mujibu wa gazeti la The Standard la Kenya ambalo linamnukuu msemaji ya Jeshi la Kenya Kanali Cyrus Oguna.

Saa 4:56 asubuhi
Waziri katika Serikali ya Kenya, Joseph ole Lenku, anasema ulinzi umeimarishwa kwenye viwanja vya ndege na bandarini huku waandishi wa habari wanaofuatilia tukio hilo wakikimbia kwa usalama wao baada ya taarifa kuzagaa magaidi watawatupia mabomu.

Saa 5:38 asubuhi
Kuna taarifa kuwa mapigano makali yanaendelea huku milipuko kama 10 ikisikika na moshi ukitandaa juu ya jingo hilo.

Saa 6:27 mchana
Taarifa za utata kuhusu idadi ya waliofariki ambapo Waziri wa Usalama wa Ndani, Ole Lenku anasema idadi inayotambulika na polisi ni 62 lakini Shirika la Msalaba Mwekundu mapema ilisema idadi hiyo ni 69.

Saa 6:28 mchana
Polisi wa Kenya wanadhibitisha kuuwa magaidi wawili kwenye operesheni hiyo na waziri wa usalama wa ndani anasema magaidi wote ni wanaume huku wengine wakiwa wamejivalisha kama wanawake.

Saa 8:13 alasiri
Mapambano bado yanaendelea Westgate na waziri wa usalama wa ndani anasema wamewakamata baadhi ya watu uwanja wa ndege ambapo wanawashikilia kwa mahojiano.

Saa 8:27 alasiri
Spika wa Bunge la Kenya, Justin Muturi, anasema posho ya leo ya wabunge itatolewa kama mchango kwa waathirika wa shambulio la maduka ya Westgate.

Chanzo:- Mtanzania.