WAZAZI YATEUA MAKATIBU 10 WAPYA WA MIKOA......

JUMUIYA ya Wazazi ya Chama Cha Mapinduzi (CCM), imewateua makatibu wapya 10 wa mikoa wa Jumuiya hiyo kushika nafasi hiyo, katika mikoa mbalimbali. Mbali na makatibu hao wa mikoa, pia makatibu wa wilaya 40 wameteuliwa kushika nafasi hiyo.

Akizungumza Dodoma jana, Naibu Katibu Mkuu wa Jumuiya hiyo Bara, Glorious Luoga, alisema makatibu hao wapo katika mchakato wa kupangiwa vituo vya kazi.

Aliwataja makatibu wa mikoa walioteuliwa kuwa ni Daniel Mgaya, Mohamed Chorage, Hamis Kinanda, Andrew Seleman, Zariha Shemsa Saimon, Shaweji Mkumbala na Robert Manjembe.

Wengine ni Zainab Kasimba, Abdul Mayange, Selemani Pinde na Athumani Mdoe.

Alisema kwa upande wa makatibu wa wilaya walioteuliwa ni Alphonse Kwilasa, Happyness Nyamasagala, Sifa Tuli, Regina Ndulu, Daudi Maberwo, Andere Mwandu, Justine Mbene, John Ngasa na Said Sultan.

Wengine ni Salum Khamis Haji, Vitus Mfikwa, Ali Sai Ali, Kawina Haji Konde, Hadija Said Magoranga, Salvina Nanyembe, Said Mtopa, Bashiri Kilimo, Dina Samanyi, Simba Haji Mcha, Amour Seleman Ame, Deogratias Nakey, Zaituni Kibyo na Rose Mlaki.

Alisema wengine walioteuliwa ni Juma Hamis Mng’ombe, Mohamed Mapesa, Juma Nambalia, Claudia Muro, Mohamed Mavala, Daima Utwanga, James Ouma, Martha Nguza, Josephat Chacha, Martin Mfala na Disco Wabale.

Wengine ni Stella Manyonyi, Hussein Mwaikambo, Ramadhani Madohora, Bwanga Akida na Mandawanga Banda.

“Makatibu wengi walioteuliwa ni vijana na elimu yao ni kuanzia kidato cha nne, tunataka kuondoa taswira iliyojengeka kwamba Jumuiya ya Wazazi ni Jumuiya ya wazee.

“Tunatoa wito kwa vijana wote kuanzia miaka 18 kujiunga na jumuiya hii, ikiwamo kuwania fursa mbalimbali za uongozi kupitia jumuiya yetu,” alisema Luoga

Aidha, alisema uongozi wa Jumuiya hiyo ulikutana na uongozi wa shule 15 za Jumuiya hiyo zilizofanya vizuri kitaaluma na nidhamu kwa lengo la kuzipongeza.

“Kwa sasa Jumuiya ina shule za sekondari 86, lakini zinazofanya kazi zipo 63 tumepanga kuzifufua zote na kuhakikisha zinafanya kazi ipasavyo.

“Vilevile kwa upande wa shule ambazo zimepoteza umaarufu wake tumepanga kuzigeuza vyuo vya ufundi ambavyo vitafundisha taaluma inayoendena na mazingira ya sehemu husika,” alisema Luoga.

Chanzo:- Mtanzania.