TUME YA MABADILIKO YA KATIBA LEO WAKO WILAYANI RUNGWE

Tume ya mabadiliko ya katiba leo wanaanza kikao cha siku tatu cha Baraza la kujadili Rasimu ya Katiba, kwa kukusanya maoni ya wananchi wa Halmashauri ya wilaya ya Rungwe kuhusu Rasimu ya Katiba. Tume hiyo inaongozwa na Profesa Mwesiga Baregu, katika ufunguzi wa kikao hicho Profesa Baregu alisisitiza umuhimu wa kutoa maoni kutokana na watu waliowatuma kuwawakilisha na si kwa ajili ya taasisi zao kama vyama vya siasa, dini n.k.

Pia alielezea umuhimu wa wajumbe kujua kuwa nafasi yao ni kubwa na dhamana yao ni kubwa, kwani zoezi kama hili siku za nyuma lilikuwa linafanywa na Bunge, lakini leo limeletwa kwa wananchi kwa kupitia uwakilishi wa wajumbe mliomo katika ukumbi huu, alisema Profesa Baregu.

Pia Profesa Baregu aliwakumbusha wajumbe umuhimu wa maoni yao kwani kila mjumbe aliye katika ukumbi huu anawakilisha Watanzania zaidi ya 2000. Kwa hiyo matumaini ya wananchi na taifa yako mikononi mwa wajumbe mliochaguliwa na wenzenu katika kata zenu.

 

    Kiongozi wa tume Profesa Mwesiga Baregu akifungua mkutano Baraza la kujadili Rasimu ya Katiba

                                       Katika Halmashauri ya Wilaya ya Rungwe.

    Wajumbe wa Baraza la kujadili Rasimu ya Katiba wa Halmashauri ya Wilaya ya Rungwe 

                                                Wakimsikiliza Profesa Baregu.

    Kiongozi wa Tume ya mabadiliko ya katiba akitoa maelekezo ya namna mjadala wa Rasimu

                                                 ya Katiba utakavyondeshwa.

    Sehemu ya wajumbe wa Baraza la Kujadili Rasimu ya Katiba katika Halmashauri ya Wilaya ya

                                                                      Rungwe

                                                                      

                                                                      Picha zote na   

                                                                     Bashiru Madodi.