Mwenge wa Uhuru leo umeanza mbio zake katika Wilaya ya Rungwe, Mwenge utakimbizwa wilayani Rungwe kwa siku mbili kwa kuanzia na Halmashauri ya Wilaya ya Rungwe na baadaye katika Halmashauri ya Busokelo. Mwenge wa Uhuru unategemea kuzindua miradi yenye thamani ya zaidi ya Shilingi Bilioni moja.
Miradi iliyotembelewa leo ni uwekaji wa jiwe la msingi kwenye tanki la maji Mbeye 1, Kukabidhi mashine za kufyatulia matofali katika kijiji cha Ndaga, Kukabidhi vyeti kwa madereva wa Pikipiki katika kata ya Kiwira, Kuzindua jengo la utawala Shule ya Sekondari Kyimo iliyopo katika kata ya Kyimo, Kuweka jiwe la msingi la kituo cha Mafunzo ya Kilimo kilichopo katika kata ya Kyimo, Kuzindua mradi wa maji katika kata ya Kyimo, kuweka jiwe la msingi kwenye maabala na madarasa Shule ya Sekondari Lupoto iliyoko katika kata ya Ibighi, Kuweka jiwe la msingi nyumba ya mtumishi wa zahanati kijiji cha Ikama, katika kata ya Ikama na Kuweka jiwe la msingi la Hostel ya Shule ya Msingi Nuru, iliyoko katika kata ya Bagamoyo.
Mwenge wa Uhuru ukiwasili katika Kijiji cha Isyonje katika wilaya ya Rungwe ukitokea Mbeya Vijijini
Wakimbiza Mwenge kitaifa wakiuweka Mwenge wa Uhuru kwenye Sturi maalumu
Kiongozi wa Mbio za Mwenge Ndg Juma Ally Simai akiwaaga wana Mbeya Vijijini
Mkuu wa Wilaya ya Rungwe Mhe. Crispin Meela akisubiri kukabidhiwa Mwenge wa Uhuru kutoka kwa Mkuu wa Wilaya ya Mbeya Mhe. Sigallah
Mkuu wa Wilaya ya Rungwe Mhe Crispin Meela, akiwa ameupokea Mwenge kutoka kwa mkuu wa Wilaya ya Mbeya Mhe. sigallah
Kiongozi wa Mbio za Mwenge kwa mwaka 2013, Ndg. Juma Ally Simai akiweka jiwe la msingi kwenye tanki la maji katika kijiji cha Mbeye 1.
Kiongozi wa Mbio za Mwenge wa Uhuru Ndg. Juma Ally Simai akikabidhi mashine za kufyatulia matofali kwa vijana wa kijiji cha Ndaga.
Waendesha pikipiki wa Kata ya Kiwira wakiwa na vyeti vyao vya udereva baada ya kukabidhiwa na Kiongozi wa mbio za Mwenge 2013
Jengo la Utawala la Shule ya Sekondari Kyimo baada ya kuzinduliwa na kiongozi wa Mwenge wa Uhuru 2013
Jengo la Kituo cha Mafunzo ya Kilimo Ilenge baada ya kuwekewa jiwe la Msingi na kiongozi wa mbio za Mwenge wa Uhuru 2013
Jengo la kiwanda cha kusindika matunda cha Iponjola baada ya kuwekewa jiwe na kiongozi wa mbio za Mwenge wa Uhuru ndg. Juma Ally Simai.
Kiongozi wa Mbio za Mwenge 2013 Ndg. Juma Ally Simai, akizindua mradi wa maji wa katika kijiji cha Kyimo.
Viongozi wakisikiliza maelezo kutoka kwa Mkuu wa shule ya sekondari Lupoto kabla ya kuweka jiwe la msingi la maabala na madarasa ya shule hiyo.
Jengo la nyumba ya mganga wa Zahanati ya Ikama baada ya kuwekewa jiwe la msingi na kiongozi wa Mbio za Mwenge wa Uhuru 2013.
Jengo la Hostel ya Nuru English Medium iliyoko katika kata ya Bagamoyo mjini Tukuyu kabla na baada ya kuwekewa jiwe la msingi na Kiongozi wa Mbio za Mwenge 2013 Ndg. Juma Ally Simai.
Mwenge wa Uhuru ukiwasili katika uwanja wa Tandale katika Kata ya Bulyanga katika mji wa Tukuyu Wilayani Rungwe mahali ambako ulikesha usiku mzima.
Mwenge wa Uhuru ukiwa katika uwanja wa Tandale Mjini Tukuyu
Vijana wa haraiki wakiimba wimbo wa kuukaribisha Mwenge Wilayani Rungwe.
Baadhi ya viongozi wa vyama vya siasa wilayani Rungwe wakiwa pamoja na madiwani wakati wa kuupokea mwenge kwenye uwanja wa Tandale mjini Tukuyu.
Picha zote na Bashiru Madodi
Basahama blogspot
No comments:
Post a Comment